好多人買咗新屋入伙前喺單位裝修嘅時候，為咗美觀或者方便操作問題，都會將洗衣機水喉移位。 就算唔係新屋入伙，單位住得耐咗都會裝修吓，亦有可能移吓D水喉位，經常有人將洗衣機移位。
大家千萬要留意移水喉位嘅時候，水喉位移好後，要即場要求水喉師傅試吓放水，做多幾次開制閂制動作，睇清楚條水喉嘅接駁位有冇滲漏，個水制扭起嚟有冇唔順暢；肯定完全冇問題先好封牆鋪磁磚。
因為最近我做咗一單滲漏水檢測，就正正係冇喺洗衣機移喉後試清楚，入伙冇耐發現牆身有水漬，揾我檢測後至知大件事！
所以喺依度提醒吓大家囉！千祈唔可以疏忽架！
大家可以睇吓附圖。
