進 一 步 求 證

今日做咗一個幾特別嘅order,事緣某區有一個豪宅，早前做咗外牆防漏工程冇幾耐又漏返水；管理處梗係揾防水公司跟進啦，翻執後過咗一排冇事以為搞惦。點知打完風又出事！管理處曾經揾過一D公司做漏水檢查，叫防水公司再翻執。

佢哋啊頭到現場天台睇過，發現有積水，懷疑可能有水滲入外牆做成漏水，就落order俾我哋做《微波掃描》檢測，睇吓D水係咪真係由天台滲入外牆；就咁睇真係有機會，但係做完天花測試之後，發現天台的確有滲水，但外牆漏水同天台積水就完全冇關係，因為天花漏水位置同外牆漏水位置嘅距離太遠，兼且水分流向唔吻合。

其實上述嘅爭抝情况可以避免，以下兩個方法都可以用；

1 - 防水工程施工前先做《微波掃描》檢測，得出測試報告後，作針對性維修。

2 - 防水工程完成後進行《微波掃描》檢測，測試報告可以顯示維修範圍內重有冇漏水。

以上兩個做法都可以避免工程完成後再有問題出現！